انت الوحيد اللي مش قادر أفهمك
بجد انت لغز كبير
٣٠ سنة متربع علي القمة
٣٠ سنة لا ليك صورة بكاس ولا بسيجارة
٣٠ سنة شباب كتير بيحبك وحابب فكرة انك رياضي وبتحافظ علي جسمك
شهرة ؟ في ناس بتحلم ب ١٪ من اللي وصلتله من شهرة في العالم كله
فلوس ؟ انت مصنف من أغني فنانين العالم العربي و دا من زمان مش دلوقتي
ايه السبب انك تعمل في نفسك كده؟
ليه تدمير تاريخك؟
يعني لون الشعر والكلام دا متعودين منه في الوسط الفني
لكن ليه الحلق؟
ليه التاتوهات اللي تغرق جسمك؟
ليه اللبس الغريب دا؟
ايه المقابل اللي ممكن تاخده مقابل كل دا ومش موجود عندك ؟
انا اكتر حد محدش يقدر يراجعه في الكلمتين دول
انا من الجيل اللي طلع علي صوت عمرو دياب من انا عيل
كان منظومة …
مطرب وناجح وعنده عزيمة وإصرار
رياضي و بيركز في شغله
يعني كنا حابين الحالة كلها
من الشخصيات القليلة اللي شوفتها في حياتي اللي بتدمر تاريخها بلا هدف !!
ياريتك تفوق
عشان اه في كتير دراويش ممكن يدافعوا عن اللي بتعمله
و دول بتوع اول إمبارح
انما اللي ماشي معاك خطوة بخطوة من زمان
صعبان عليه المنظر دا بجد
اللي عارفك
عارف ان مالكش في مية البطيخ
والمقربين منك مدركين انك مابتفهمش في حاجة الا في الموسيقي
انت حتي مابتظهرش في لقاءات تلفزيونية لانك مش لبق في الكلام ومش متحدث جيد
فـ ليه ترمي نفسك في وسط الباقيين
وتتحط في خانة اللي انضموا للمنظمة
وتروج لنفس أفكارهم
اللي بتدمر مجتمعات عن قصد فكر كويس يا عمرو فالبوست ده محبه خالصه من عبودة
