{عبارات يرددها القطيع}
.. (ربنا يثبته عند السؤال..)…مش فاهم !!؟ لا سؤال ولا حساب إلا حساب واحد فى يوم الحساب فقط… مش حسابين…
وايمانك وعملك فى الدنيا اساس ثباتك او ارتباكك. انتهينا.
(اللهم اغسله بالماء والتلج والبرد). يعنى ايه برضه ؟؟
.ليه تلج وبرد يا بدو الصحراء..
.وبعدين فين دا فى كتاب الله مش كتب السلف والتلف.
(اللهم ماجعل آخر أعمالنا خواتيمها)!!!؟؟؟ياباشا هو الله بيعملنا الاعمال ولا احنا اللى بنعملها؟؟ .
.بتحيل الفعل لله سبحانه وتعالى علوا كبيرا….ليه؟
وبعدين آخر الاعمال زى أول الاعمال..كلها اسمها اعمال .. بمعنى لو عملت خير طول حياتك وجيت فى الاخر عملت عمل شر و مت بعده ..دا مش حيلغى اعمالك الحسنه بالعكس ان الحسنات يذهبن السيئات…كمان حتتحاسب عليه كعمل فى حد ذاته..سوا كان فى الاول او فى اخر حياتك اتقوا الله.
(قدر الله وما شاء فعل)….بنتى تركت طاسه فيها زيت على النار ودخلت تشتغل على الموبايل ..
الطاسه وقعت بالزيت على البوتجاز المطبخ ولع…على فكره دا حصل بجد من فتره ..كل من واسانا قال هذه العباره…جميعهم أحالوا التهمه حاشا لله…لمولانا عز وجل..الرحمن الرحيم….انه قدر بمعنى قرر ذلك وفعل ذلك وولع المطبخ
بينما اهمال ابنتى وانشغالها هما سببا المصيبه والله اعظم من ان نفترى عليه هذا الكلام الكذب.
قدر اى خلق الكون بحساب ومقدار و قانون ويتم تفعيل ذلك بمشيئته وسننه التى لن تجد لها تبديل ولا تحويل
..(اللهم صلى على النبى)…..يا جمالك وانت بتحيل أمر أمرك الله أن تفعله إلى الله سبحانه وتعالى..وكأنك تقول اللهم صلى انت على محمد. بلاش انا..ذلك بعد الآيه التى تقول يا أيها الذين آمنوا صلوا عليه وسلموا تسليما….
وبالمناسبه الله يصلى علينا نحن أيضا…-(وهو الذى يصلى عليكم وملائكته ليخرجكم من الظلمات إلى النور-)
وبالمناسبه الرسول مأمور ان يصلى علينا..-.(وصل عليهم إن صلاتك سكن لهم..)-
وطبعا وبالمناسبه الاخيره…الصلاه هنا تعنى التواصل والاتصال وانشاء الصله و الإيصال…وكلها تصب فى الفعل لا القول وطق الحنك ولو بحثت ستجد الاشاره هنا الألتزام بتشبث واستماته بأداة الوصل الوحيده بيننا وبين الله وهو كتابه الكريم قراءه تدبر تفعيل بلا اشراك كتب الطاغوت والحمد لله انتم عايشينها كويس.
عندى العشرات من العبارات و التبوهات المسماه بالدينيه آخرها والمضحك المبكى ان تجد على لافتة محل… بسم الله الرحمن الرحيم إتق شر من احسنت اليه..!!!!!!
ومدرب كوره فاشل يظهر فى التليفزيون مبررا هزيمة فريقه الفاشل بأن ربنا ما أردش نكسب.!!! شوف قلة الأدب والتجرمه و الانحطاط
..شغل عقلك شششششويه…ولا تكن ببغاء تردد كلام فارغ بل كافر وغبى…فكر فيما تقوله.. او اسكت خااالص.
