بجد….!!؟
يعنى إيه؟؟ انا أبدع نص ادبى بخيال وجنون و بعد معناه و سهر وعرق وتجارب…ثم بعد ذلك آخد فلوس الاسره وربما استدنت عليها ..ثم اذهب لمكتب كومبيوتر ليكتب لى ما ألفته على الكومبيوتر ويطبعه ويعمل منه كذا نسخه نظير مبلغ محترم ثم اشترى ملف و دمغات و ادفع أكثر من500جنيه لنص واحد مكون من ورقه واحده نظير تسجيله أداريا.
و500جنيه أخرى نظير رقابته اى نظير محاسبتى على فعلتى وهل تجاوزت حدى ام لا ؟ هل ازدريت دينك ودين اللى جنبك هللَل مسست شأن النظام السياسي او دست له على طرف اوعاااااا….
هل قلت لفظ خارج يتفسح هل جرحت الذوق العام اوعا للناس تتعلم قلة الأدب اوعااا
انا ممكن اشوف العفريت بس مش عايز .. لكن نفسى اشوف ذلك الرقيب الناقد العبقرى الدارس المثقف الذكى الفاهم والارقى منى والذى تؤهله كل هذه العوامل على ان يفند ابداع رموز و عمالقه وجهابذه واعلام فى الادب المصرى والعربى.. ويقول لهم هذا صح وهذا غلط هذا مقبول وهذا مرفوض.؟؟؟!
ويتهمنا بهبوط الذوق
بينما اناواقف فى اداره المصنفات والرقابه على الابداع وكأنى واقف فى محطة مصر زمان مش فاهم اى حاجه ناس دايخه بين المكاتب وارزاقيه و بتوع شاى وقهوه مكاتب ملتصقه وارفف متلتله بالملفات ونساء مؤمنات مستعجلات وراهم اسره تنتظرهم و خزنه قفلت وسيستم واقع والمدير مجاش..المدير مجاش..ودايما المدير مجاش فى كل المرات اللى رحتها فأضطريت استعمل واحد ارزقى من المتنطعين هناك و(هم كثر) ليتابع الانتهاء من رقابة هذا النص حتى نلحق الموسم الغنائي الصيفي نظير1000 جنيه وهنا وقعت فى شبكة الابتزاز و التسويف و التسول..معلش ياا ستاذ اصل الكلام مكتوب بفنط صغير والرقيبه نظرها ضعيف وحنطر نكتبه من الاول….ماااشى…وبعد فتره معلش الوو يا استاذ الرقيبه بتقول بلاش كلمة (الشحن خلص) لأنها جنسيه !!!! وووو
.. المهم بعد جهد جهيد و واسطه ومحايله تم رفض النص بجدار وتحويل العمل لأخذ رأى أداره أخرى وهى أداره شرطة المصنفات
. بينما كانت الاغنيه من شهرين يتم تداولها فى مصر و العالم بنجاح ساحق بكل بهجه و حب و امتاع وبلا اى اعتراض او علم لأدارة الرقابه بهذا.. هههههه .
.. نفسي اهج هججانه مهجهاش هجيج فى الهجانه..!!
