مفيش حد هيديك عقار من غير مقدم علشان بيحبك وعلشان عرض ميتفوتش
وايه ده استنى معانا كده هنحاول نتصرفلك فى وحدة بتطل على ترعة الكمبوند اصل المشروع كله اتحجز
ابقا اسأل على payment plan وانت هتعرف انه حاطت قسط سنوى دفعه واحده ٥٥٠ و مليون واكتر حسب مساحة الوحدة مع الاقساط الشهريه
وهتعرف ان ال ٧٠ متر ب ١٢ مليون جنيه !!!!
مفيش سيلز عربيات هيجيبلك كاش باك فى القسط ١٠ ولا ١٥ الف جنيه من جيب المعرض هو بيدفعهملك انت وفى الاول بيجرجرك ايه رأيك اجيبلك فايدة ١٦ وبعد اسبوع والله حاولنا بس للاسف اصل اى سكورك وورقك طيب ما تزعلش خد سنويه ١٩ وهديك كاش باك
ما انت دافعه وهتاخده مره واحده وتفضل تدفعه كل سنه اقساط
الناس بتاعة تريدات العقارات انا هدخل ادفع مقدم وقسطين واخرج باوفربرايس صدقونى اللعبه دى باظت واتكشفت
ركود والشركات خدت بالها وبقت انا معاكم لا مفيش خروج قبل نص المبلغ
والنتيجه سحب وحدات وقصص وحوارات وناس متعثره والشقه تتعرض سنتين متتباعش واسعار بتزيد بس على الورق
زى الل بيتورط فى قسط عربية مش قده ويرجع يندم وحياته تتعثر
ارجوك عيش على قدك ومتعافرش فى رزقك هو مكتوب وتمنى اه الافضل لنفسك بس براحه على نفسك
هى سنين هنعيشها بالستر وكلنا خارجين منها متنهكش نفسك فيها اصل الدنيا دار فناء والحياة متفاته
اللى مش قد قسط اى حاجه متقسطش
كلهم اربع حيطان هيضموك انت وولادك واربع عجلات هيودوك مشوارك
محدش هيقولك الكلام ده غير اللى خايف عليك
كلهم عاوزين يبيعولك اسمعنى والله واسمع اللى بيتكلم زيي احنا خايفين عليك
محدش بيخاف علي حد والمصلحة اهم من اي حد انا بس بحب اعمل توعيه للناس الطيبه والمغلوبه علي امرها وزي ماقولت في النهاية وسيلة نقل مواصلات وبيت تعيش فيه ايا كانت القيمة والسعر
