الناس اللي فرحانه بالقبض على شهاب بتاع الدويقه علشان لفظ بالفاظ وعمل حركه ببوقه وبجح وقال انا اهوه،
عايزكم تركزوا كده في ملامح واسلوب شهاب،
هاتلاقوا انه مش حاجه نادره ولا فريده ،
بالعكس حاليا فيه كتير مشاهير تيك توك وسوشيال ميديا و مغنيين مهرجانات وبقوا نجوم شبهه بالظبط ونفس اسلوبه امثال محمود حديده وسيد مجاري وغيرهم،
شهاب نسخه مكرره وكتير تقابلها في كل موقف سيارات اجره وسواقين توكتوك وبائعين جائلين وغيرها،
لو الشعب عدده 120 مليون،
تلاقي موجود على الاقل 60 مليون شهاب،
نفس الاسلوب الصوت الطخين والالفاظ وطريقة التعامل،
وده نتاج اسلوب نجوم كتير في افلام ذي ابراهيم الابيض وعبده موته وغير مسلسلات رمضان،
شهاب موجود بكثره بسبب التسيب وعدم التعليم والثقافه والتأهيل،
قصور الثقافه ومراكز الشباب مغلقه وبيتمارس فيها انشطة تانيه،
التعليم وقع واصبح المدرس للدروس الخصوصيه وفقد هيبته ومكانته بالمدرسه،
شهاب نسخه من نسخ كتير لاسلوب اصبح هو السائد في مصر،
ميجو
كل عام وانتم بخير 2025