النهاردة هيئة البث الإسرائيلية و القناة 12 الإسرائيلية أعلنت رسميا إنسحاب القوات الإسرائيلية من محور صلاح الدين ( فيلاديلفيا )
لما تلاقي حد من النخب الخايبة اللي عايشين وسطنا و كل شغلتهم التنظير و النخع و الهري و الهبد و ممارسة الرغي بلا هدف أو معنى إلا الوضاعة في مهاجمة بلدهم حتى يطلق عليهم أصحاب رأي و هم ليس إلا نهايات طرفية لمن يسوقونهم ،
أبقى قولهم
إن إتفاق الهدنة الذي تم التوافق عليه هو الإتفاق الذي عرضته المخابرات العامة المصرية في 27 مايو 2024 و إتهمونا بتغير الصفقة بل و تخريبها ، الصورة 3 و 4 تحت.
الصفقة بتأكد إنسحاب كامل من محور فيلادلفيا ( اللي النتن عمل فيها شبح و قال إنه هيفضل فيه يوم 2 سبتمبر 2024 في مؤتمر صحفي و كان قبلها راح لمحور فيلادلفيا في شهر أغسطس و هو لابس صديري واقي من الرصاص ) صورة 2 تحت.
قوم رئيس الأركان المصري ذات نفسه الفريق أحمد خليفة يوم 5 سبتمبر 2024 يروح على الحدود مع فلسطين و يتفقد معبر رفح و يروح للسياج الحدودي عند محور صلاح الدين (فيلاديلفيا) و هو لابس بدلة العمليات و يقعد يفطر و كمان يتغدى على ترابيزة جنب السياج مع الرجالة و بعد ما شرب خمسينة شاي بالنعناع قام وقف على السياج يبص بالنظارة المعظمة على قوات الجيش الإسرائيلي يعني اللي عاوز يجرب يقرب و إحنا نشيله من على وش الأرض ،
آه نسيت أقولك إن رئيس الأركان عمل كل دة و هو أساسا مش لابس صديري واقي و اللي فهم فهم خلاص…. بطل من ارض مصر الطاهرة.
عشان نكون واضحين بدون مصر لن تكون هناك صفقة أبدا محدش يقولي قطر و لا سماح و من بكرة هتبدأ الهدنة و زي ما مصر قبل كدة ساهمت في المساعدات لوحدها بنسبة تفوق ال 79% هنشوف مع بداية إدخال المساعدات مرة أخرى كل اللي بيتكلموا دول ممكن يساهموا بإيه و اللي مش عارف لازم يعرف إن معدات إعادة إعمار غزة كلها من مصر و الرجالة اللي هتشتغل كلها من مصر ،
معلومة أخيرة ،،، طول محور صلاح الدين اللي هو فيلاديلفيا 14 كيلو فقط و النهاردة انسحبوا منه ، لكن طول الحدود المصرية الفلسطينية 265 كيلو جيشك كله بقى واقف عليهم بكامل عتاده من السلاح التقيل من دبابات و مدرعات غير مطارات سيناء الحربية وووووو و ….وكفى.
الريس نفسه قال في مرة على الهواء إحنا بقى لينا أكتر من 40 كتيبة داخل سيناء و المؤكد إن العدد بقى أكبر مع الأحداث أخر سنة و نصف و مش هيخرجوا من سيناء مرة أخرى و لتذهب معاهدة السلام إلي الجحيم و معها الإتفاق الأمني لمحور فيلادلفيا الموقع في 2015 ،
يعني حتى لو كانوا أحتلوا محور صلاح الدين اللي طولة 14 كيلو فإحنا نشرنا قواتنا على طول 265 كيلو كاملة و النهاردة إنسحبوا كمان من ال 14 كيلو ، و اللي هو بالمناسبة دة ممر ما بين حدودنا و حدود فلسطين لكن هم مش بيقولوا للناس كدة عشان يفضلوا يمارسوا التجهيل لمهاجمة بلدهم ….. والله والله والله مصر كبيرة اووووووووى زى الصقر الذهبي ما قال فى الكاتدرائية فى العيد يوم 7 يناير 2025.
إحمدوا ربنا ….. وإذكروا الله كثيرا لعلكم تفلحون.
