انتصار احمد تقرأ لكم حوار كريم عبدالعزيز عن والده ووالدته وزوجه والده

وانت صغير لومت مين على الإنفصال بابا ولا ماما ؟!وأنا صغير لومت بابا وفي نص الطريق لومت ماما وفي الأخر صالحت الاتنين .

العقده اللي اتخلقت جواك إن بابا ساب البيت ؟ ولا أن ماما بقت سيده مطلقه؟!إن بابا ساب البيت !! وهقولك ليه لأن أمي دي ست بـ100 راجل ..ست قوية وبتاعة تحديات وربة ولادها ومتجوزتش علشان ولادها .

متجوزتش علشانكم ولا علشان الراجل الوحيد اللي حبته هو أبوك ومرضتش تجوز غيره ؟!والله انا اكتشفت ده يافندم مؤخرا أنه الراجل الوحيد الي حبته هو بابا ..بس هي متجوزتش علشاني انا وأختي امتي اتصالحت مع جوازة بابا التانية ؟ أنا عاوز أقولك ان مرات أبويا هي أمي التانية ..

والبيت مكنش فيه فكرة مرات الأب التقليدية اللي بتعلق العيال وتضـرب ياسمين وتعـذب في كريم ابدا ده محصلش امتي ابتديت تتقبلها وتعيش مع الفكرة أنها عادية ؟ لما كان أبويا يجي يولع فيا في مشكله فتدافع عني فحبتها بقي .

مصلحجي ..كسبت؟كسبتني وبعدين ..عمرها ما كانت زوجة أب ولا والدي كان زوج أب لبنتها ..بتنادي مرات أبوك بتقولها ايه ؟ يافرفوره علشان متدلعه وأبويا بقوله يازيزو كلهم عايشين معاك تحت سقف بيت واحد أمك وأبوك ومرات أبوك أنا ماما عايشه معايا على طول وليها أوضتها ..

وبابا ليه أوضة وقت ما يحب يجيي البيت عندي يزورني ليه أوضة هو ومراته وبيقعدوا هما التلاتة في البيت ومامتك قدرت تنسي ؟!أه ..

أصل الزمن برضه مع كبر الولاد واحترام الطلاق ليه أسباب كتير .. وأنا مش ضد الطلاق على فكره لأنه حلال ربنا ومصلحة الأولاد أهم حاجة وممكن اتنين متجوزين في البيت والولاد مـدمـره وفيه اتنين مطلـقـين وولادهم زي الفل

جانب من لقاء #كريم_عبدالعزيز وحديثه عن والدته ووالده مع وفاء الكيلاني في برنامج السيرة