حينما تكتب نسرين أسامة أنور عكاشة بإبتسامتها الباكية فى ذكرى شقيقها المبدع هشام

انا مش باكتب لك عشان معاد السنوية …حقيقي انا كاتبة ده لإني عايزة اقولك قد ايه انت البعيد لكن الأقرب …يا صديقي الصدوق اللي اعتبرت وجوده مُسلَّم بيه لحد ماخدت الصدمة وفضلت عايشة أكفر عن كل الذنوب اللي عملتها أو ماعملتهاش

وحاطة الصورة دي عشان فيها نبذة كده بسيطة عن روحك الطيبة الحساسة اللي ضحكتها زي السكر….بضحكتك كنت دايماً استبشر خير…بطيبتك وحسن نيتك كنت بارتاح.. بنبلك كنت باندهش…بموهبتك كنت بافتخر…..

وكل ده كوم و ثقتي إنك هتظهر وتديني أمان قي عز الخوف
والتعب وتكون في ضهري وتطبطب على كتفي كوم تاني خالص

السنة دي يمكن تكون الاصعب عشان اكتر وقت احتجتك فيه من
يوم مامشيت من ١٢ سنة…تخيل؟؟
سنة باكتر من ٣٠ سنة ….بس ماتقلقش عليا…اللي عداني من كل الصعب اللي فات هيعديني …فاكر ازاي كنت بتقول لهم عليا اني قوية؟ ياحبيبي كنت بتحسن الظن كعادتك…..أبشر يا إتش انا دلوقتي بس اقوى….الدنيا من غيرك انت وبابا ولا حاجة. وحقيقي محتاجاكوا….بس انا اقوى…خليك بتضحك كده وانا معاك