د. سامى دنيا يقرأ لكم:للمرة الثانية بكلمك انت ايوه انت .. اقرأ ده وبمنتهى الوعى

روسيا…
الجيش الاوكراني في أول اسبوع من السنة الجديدة ولسه بيقولوا بسم الله الرحمن الرحيم هنبتدي السنة الجديدة خسروا ١٣ الف عسكري و٤٦ دبابة
وطلع زلينسكي وقال ان الاوضاع صعبة وبناشد ترامب انه يحط خطة سلام طب بضمان ايه يا زلينسكي ؟؟قالك بضمان الاراضي اللي موجودة دلوقتي تحت سيطرتنا واللي موجودة تحت سيطرة الجيش الروسي حلال عليهم وبارك اللهم فيما رزق ليهم….. اه والله قال كدا
بص يا اسطى زلينسكي….
بصراحة كدا ومش هضحك عليك هي كل الاوضاع صعبة اصلا في الساقعة دي والله
بوتين يسكت على كدا…. ابدا !!
طلع بوتين وقال….
بصوت عادل ادهم…
لا ياروح امك…. انا عايز ارقص معاك دنس
هتقولي طب ما الراجل اهه طالب السلام وهيسيب لروسيا الاراضي اللي أخدتها…!!
هقولك كان الكلام ده ينفع من سنة وكان بوتين قابل بيه انما دلوقتي بوتين مصمم ياخد اوكرانيا كلها ويمكن هي دي نقطة الخلاف اللي بينه وبين ترامب
ترامب عايز يديله الاراضي اللي اخدها بس !!!
وبوتين مصمم ياخد اوكرانيا كلها
اما التقسيمة الإقتصادية…
ف روسيا هتمد الصين والهند وآسيا بالبترول والغاز…. وتحافظ على مكاسبها الإقتصادية
وأمريكا هتمد اوروبا بالغاز والبترول… وهتحافظ على مكاسبها الإقتصادية
في مقابل ان روسيا والصين يرفعوا ايدهم عن سوريا وإيران ومفيش داعي لحرب عالمية وكدا
إثيوبيا….
حقيقي انا مش عارفة اكلمكم عن إثيوبيا قبل ولا بعد ما تقرا اخباري أصل بيحصل فيها زلزال كل خمس دقايق وبركان كل يومين قبل الاكل وبعد الاكل زي العلاج كدا حضرتك
ف حضرتك إثيوبيا دلوقتي بتواجه كوارث طبيعية… هي مش طبيعية اوي يعني
انما كل علماء الجيلوجيا في العالم بيقولوا ان ضغط سد النهضة على القشرة الارضية ف إثيوبيا هو السبب ولازم وحتما إثيوبيا تفضي السد وإلا هتتشق نصين هتطلعلي واحدة من المطبخ وتسألني وتقولي طب هل مصر مستعدة لو السد إتفلق ..!!
إتفلق…. عارفة هو إيه اللي هيتفلق !!
دا انا اللي هتفلق منك
شوفي يا ستي …. مصر إستعدت خلاص لكل السيناريوهات اللي ممكن حضرتك تتخيليها
هتقوليلي ازاي…؟
هقولك….
فى المقالة الجاية