اللاعب اللي قدامك ده قدم موسم عظيم بالمعني الحرفي !
لك ان تتخيل ان عمر مرموش لعب نص موسم بس في الدوري الالماني ، يدوب 17 مباراة و قدر يكون تالت اكتر لاعب مساهم باهداف في الدوري ب 24 هدف بعد هاري كين و اوليسيه !
طب تخيل ان مرموش هو اكتر لاعب سدد علي المرمي في الدوري الالماني و اكتر لاعب سجل اهداف من ركلات ثابته ، لعب نص موسم بس !
طب تخيل ان مرموش من ساعه انتقاله لمانشيستر سيتي في اخر شهر يناير ، هو هداف الفريق في البريميرليج ب 7 اهداف و تاني هدافين الفريق في الدوري عموما بعد هالاند !
طب تخيل ان مرموش سجل مع مانشيستر سيتي 3 اهداف من خارج منطقه الجزاء من اصل 7 اهداف و هو اللاعب الوحيد في البريميرليج اللي عمل كدة من ساعه وصوله الي مانشيستر سيتي ، ايوة بيسجل اهداف عالميه !
طب تخيل ان مرموش ساهم ب 42 هدف في الموسم مع فرانكفورت و مانشيستر سيتي و هو سادس اكتر لاعب في الدوريات الخمس الكبري بعد صلاح و رافينيا و ديمبيلي و ليفاندوفسكي و هاري كين !
بس عارف ايه الجميل في قصه مرموش ؟
انه برغم تقديمه لموسم عظيم فرديا ، لكنه دائم التعلم ، بعد المباراة امبارح وقف مع جوارديولا و سمع تعليماته بكل هدوء ، عايز يتعلم و يفهم اللعبه اكتر و يتطور اكتر !
عمر مرموش لاعب كبير و اللاعب الكبير هو اللي بيتواضع و يتعلم و يبقي قد التحديات ، موسم عظيم لعمر مرموش فخر كرة القدم المصرية
