في رأيي حكاية صلاح اكبر من فكرة مركز وملعب وفنيات واكبر من خناقته مع ارني سلوت عشان قعد دكة ماتشين..
حكاية صلاح أعمق من كدا بكتير، صلاح من بعد اللحظة اللي امامك في الصورة دي راح ومرجعش، صلاح مرجعش من هناك، لسة واقف عند لحظة نهاية حلمه في البالون دور
اي شخص متابع لتصريحات صلاح علي مدار 9 سنين هيعرف أن حلمه الأبدي كان البالون دور، دايما بيتكلم عنها، دايما شايف في نفسه أنه يستحقها، وقربت كتير وكانت بتبعد في آخر لحظة زي موسم 2018 و 2019 و 2022 واخيرا 2025
صلاح لحد شهر مارس كان هو افضل لاعب في العالم، وبفارق كبير عن أي حد تاني.. مرة كمان.. بفارق كبير عن أي حد
لحظة إقصاء ليفربول من باريس كانت صدمة بالنسباله، خلاص عرف أن حلمه دا راح لآخر مرة، والارقام بتقول كلام مرعب
من بداية موسم 24/25 لحد ماتش باريس كان صلاح لعب 31 ماتش سجل فيهم 26 وصنع 17، ارقام معملهاش في اخر 30 سنة غير رونالدو وميسي، من ماتش باريس لحد اللحظة اللي بكلمك فيها دلوقتي، لعب صلاح 28 ماتش، شوف الرقم دا بقي واتصدم، 28 ماتش سجل 8 وصنع 5❗
صلاح معندوش شيء يلعب عشانه، هو خلاص حقق كل شيء في انجلترا، كان بيسعي لـ حلمه الشخصي، وعشان كدا بقولك توقعي أن صلاح حكايته خلصت مع أوروبا.. الموضوع اكبر من الملعب.
