هشام الدمرداش شاب مصرى يسكن فى إحدى القرى التابعة لمركز أجا بمحافظة الدقهلية أرسل لنا فيديو استغاثة يشرح فيه عن الظلم الذى تعرض له من أقرب الناس شقيقه، وقال: « قعدنا من حوالي سنة قاعدة عرفية، أنا مسميها قاعدة مفبركة وكان فيها الدكتور مجدي كبيرنا وأحمد مجدي ابن أخويا وتم الاستعانة للأسف بورق مزيف».
وأضاف: «أتخرب بيتى واتدمرت وانحرمت من ابنى وأنا أصلا يتيم وابتديت من جديد بعد كل ده، واللي فات ده كوم واللي جاي كوم لوحده».
وأكد محمد الدمرداش أنه كان فى طريقه للسفارة لعمل إجراءات الإقامة له بساحل العاج، مضيفا: «عشان يعرفوا عليا أحكام ولا لا وفوجئت أنهم فى السفارة قالولى مينفعش نعملك الورق ده عشان عليك 3 سنين حكم حضوري»، واضاف مستنكرا بقوله: «قولتلهم إزاي فيه حد ممكن ياخد حكم وهو خارج البلاد وبقالي سنة ونص؟!». واضاف: «قالولى هات محامي يستعلم عن الأمر واللي اكتشفته كارثة! اكتشفت أن ابن أخويا اللي شاكيني بالاتفاق مع أبوه، والمحامي بتاعي اللي أخويا قبل ما أسافر قالي اعمله توكيل عشان لو مراتك اشتكتك أخدلك إجراء عشان تعرف تنزل مصر». واستكمل حديثه: «أنا لو مكنتش روحت السفارة وعرفت القصة دي وكنت نزلت فى مطار القاهرة وقبضوا عليا كان ساعتها هيبقى مصيري إيه؟!»وختم هشام الدمرداش حديثه: «رجعت للسفارة المصرية وحكيت لهم مشكلتي اتعاطفوا معايا جدا وخدوا بياناتي واستعلموا عن اللي قلته وساعدوني بإلغاء التوكيلات وعملت توكيل جديد لمحامي بثق فيه عشان يعملي قضية في نيابة أجا “خيانة أمانة” وأنا مش هتنازل وواثق في القضاء المصري العادل».
والسؤال مين يجيب حق محمد اللى فوجيء وهو مغترب بكل هذا الظلم ومن أقرب الناس زى مابيقول!
