بمناسبة واقعة كشف الغش بإضافة مادة محرمه وخطر شديد على الصحه في عصير القصب قبل إثارة الموضوع بيومين سولت لي نفسي الشريره بشرب كوب من العصير من مكان مشهور وزحمه مع العلم اني مقاطعه تناوله من سنوات طويله تقريبا اكتر بكتير من عشر سنوات مش بشربه رغم عشقى له بسبب كلام كتير تم اثارته من فتره بعيده على مشاكل إعداده وعدم النظافه وخلافه لكن شيطان النفس كان أقوى منى لما مريت على محل العصير وكان زحمه والجو حر.
وكنت مشتقاله جدا وقلت مش معقول يعنى المكان المشهور ده بقاله سنين موجود وبالزحام ده وفيه مشكله او خطوره وحماية الستهلك والجهات الرقابيه على سلامة الغذاء والجهات المسؤله عن صحة المواطنين ما عدتش عليهم وراقبت وعملت حملات بدليل الاستمراريه اكيد دول ناس كويسه وطيبين اوي يا خااال.
مع كمان اطمئناني لاسم وشكل المكان لاني محسوكه جدا وادقق بشده فى نظافه المكان واللي بيقدم فيه بس يا سيدى شربت وانا سعيده جدا مع ذكريات عصير القصب الساقع في يوم حار .
وهووووب عينك ماتشوف الا النور تقطيع في بطني وسكاكين ومغص ونزله معويه محترمه لمدة ثلاث أيام معاناه اتاري بقى انا شربت تيتانيوم) ودي كانت قصتى).
مع وسوسة الشيطان قصة كلها عبر لمن يعتبر منكم لله يا كفره يا عديمي الضمير ربنا ينتقم منكم على اللي بتعملوه فينا ومن كل من يتهاون ويهمل في عمله ويسمح بهذا الاجرام ويصمت عليه.
