الدكتور جمال شعبان نقل بتصرف فى حديث الجمعة: الإيتكيت الحقيقي

لما تكلم حد “أكبر” منك يا حبيبي .. تقول له “حضرتك”، ما تقولش “انت” .. اسمها “نعم”، ما اسمهاش “إيه”.

وتتعلم تقول: من فضلك

ولو سمحت

ومعذرة

وشكرا

وعفوا

ما ينفعش “صوتك” يعلى و انت بتكلم حد كبير .. .. وتسمع له وما تقاطعوش

و لو لقيت نفسك بتكلمه و انت “قاعد” و هو واقف ، تبقى “ناقص تربية”و لو انت حاطط “رجل على رجل” و هو بيكلمك، انت كده مش “أوبن مايندد” ، انت كده لا مؤاخذة تبقى “محتاج تربية من جديد”.

لو حد سألك عن معلومة أو خبر أو عنوان وانت مش عارف بلاش تفتي وتفتكس قل ما اعرفش

لو “معزوم” عند حد ، خليك خفيف تقوم من ع الأكل “أول” واحد ..

و لو انت اللي عازم، يبقى تقوم “آخر” واحد.لما تزور بيت غير بيتك .. تبقي ( لا أسمع لا أري لا أتكلم) يعني تدخل “أعمى” ، و تقعد “أطرش” ، و تخرج “أخرس”.

لا تتلصص لا تتجسس لا تفتش أسرار البيوته

و ده الايتيكيت اللي عايزين نعلمه لولادنا ، أهم من أكل الرز بضهر الشوكة هي دي اللغة اللي عايزينهم يتكلموها، أهم من تحدث الإنجليزية باللكنة الأمريكية قال المصطفي صلي الله عليه وسلم إنما بعثت لأتمم مكارم الأخلاق .

منقول بتصرف