ناس كتير بتسأل سؤال طبيعي: لو سد النهضة انهار الميّه دي كلها هتروح فين؟ ومصر هتغرق؟!
الرد بسيط: لأ، مصر مش هتغرق. ليه؟ لأننا مش سايبين نفسنا.
• عندك قناطر أسيوط بس سعتها التخزينية 60 مليار متر مكعب = قد بحيرة سد النهضة كلها.
• مفيض توشكى 50 مليار م³.
• سحارات سرابيوم وقناطر ديروط فوق الـ40 مليار م³.
• توسعة السد العالي وتبطين الترع بتدي 20 مليار م³.
• غير، مشروع نهر صناعي ودلتا جديدة في الصحراء الغربية، والتجهيز لـ منخفض القطارة.
يعني الدولة شغالة من بدري على سيناريو انهيار السد أو فيضان مفاجئ.
الخطة: استيعاب المياه مش الغرق.
طيب، ييجي واحد يسأل: طب لو جت سنين جفاف والميه قلت؟ هنا بقى الموضوع مختلف.
دي مش حسبة هندسية، دي حسبة خطوط حمراء.
الرئيس السيسي قالها: نقطة ميّه من مصر تنقص = خط أحمر.
وعلى مدار السنين، محدش عرف يعدي خطوط مصر الحمراء.
لا أمريكا ولا إسرائيل ولا غيرهم.
شفناها في ملف التهجير… محدش قدر يفرض علينا اللي ضد إرادتنا.
إذن الخلاصة:
• لو السد انهار → مصر جاهزة بالمشروعات العملاقة لاستيعاب الميّه.
• لو حصل جفاف ده خط أحمر، ومحدش هيعرف يعديه.
اللي بيحاولوا يخوفوك ويدفعوك للقلق أو التهور هدفهم إنك تفقد الثقة في بلدك، أو تدخل في حرب تجر علينا عقوبات وعزلة.
لكن مصر ماشية بحساب:
• بتبني قدرات عسكرية واقتصادية.
• بتحافظ على مكانتها في القارة.
• وبتأمن نفسها مائياً على كل الاحتمالات.
فالموضوع مش “هنغرق” ولا “هنعطش”.
الموضوع إننا بنشتغل في صمت ونحسبها بالسنتي والميلي واليوم والساعة.
