الفنان عبدالله الكاتب يكتب لكم: ازاى الموت مش درس وعظة!

أنا كل اما حد قريب يموت افكر:
ازاي البني ادم بيختفي كدة في لحظة؟؟
ازاي احنا كبشر مش بنتعلم؟
ازاي لسه فيه ناس عندها قدرة علي المناهدة والحروب والصراعات؟
ازاي الناس مش بتعرف تستمتع بالحياة؟
ازاي فيه ناس لسه بتخاصم وتضايق الي حواليها من غير ما تفكر انها ممكن تخسرهم في لحظة؟
ازاي لسه فيه ناس مش بتفكر تقرب من الي خالقها؟
ازاي لسه فيه شر وغل وحسد؟
ازاي الناس بتستخسر في بعض الكلمة الحلوة والموقف الجدع؟
ازاي فيه ناس بتحسبها بالورقة والقلم وربنا رب قلوب؟
ازاي فيه ناس مش بتخاف اما يمشوا حنقول عليهم ايه…
ازاي؟؟
عندي ازاي كتير اوي تانيين..
بس فعلا ..
ازاي الموت مش درس وعظة؟
ازاي؟