سوريا….
لو عايز تعرف ترامب ناوي يتعامل مع الوضع السوري و التركي و القطري في سوريا إزاي…
يكفي انك تعرف …
ان مظلوم عبدي قائد
قسد و اكراد سوريا
تلقى دعوة لحضور
حفل تنصيب الرئيس ترامب..
أمريكا….
في أمريكا الدنيا هناك مولعة و ولاية كاليفورنيا رجعت لما قبل العصر الحجري وخصوصا لوس انجلوس مدينة الإبهار ….
والنار مسكت فيها مخلتش
ولا الجيش ولا المطافي ولا اي حد عارف يطفيها بس مش دي المشكلة حضرتك
المشكلة ان ترامب طلع فضحهم وقال ان إدارة بايدن هي السبب ……ازاي يا حج ترامب…؟
قالك البنية التحتية في ولاية كاليفورنيا منهارة تماما ولم يتم تحديثها من ايام ما كنت بقول ع السكر اوكر دي حتى ميزانية الولاية كانت بتتسرق من الديموقراطين
تسكت إدارة المطافي في الولاية على كدا … ابدا …. طلعوا وقالوا إحنا شطبنا ومبقاش عندنا حتى المية اللي نطفي بيها طب والعمل يا اخونااا…. قالك مفيش ف إيدينا غير اننا ندعي ربنا ان الدنيا تمطر والمطرة تطفيها…. اه والله قالوا كدا آلاف من السكان في ولاية كاليفورنيا نزحوا وسابوا الولاية وبقت خرابة حرفيا
ترامب يسكت على كدا….. ابدا
طلع وقال…. احنا نضم كندا وتبقى الولاية ٥١ لأمريكا بدل الولاية اللي باظت عندنا
طلع ترودو رئيس وزاراء كندا السابق وقاله … عيب تقول كدا طلع رد عليه ايلون ماسك في تويتة وقاله…. بس يا ممم…. هي الفتيات بتتكلم ليه !! بالبلدي كدا بيقوله… انت مال امك… !! هو الغريب بس إن الشعب الكندي …. سوكمون بوكمون ومحدش سمع اي رد على اللي بيحصل ده
ترامب يسكت على كدا…. ابدا !!
هتقولي عمل إيه تاني !!
هقولك ترامب مش عاجبه التقسيمة دي وقالك إحنا نقسم الدول والحدود ف الكوكب من اول وجديد وأمريكا بسم الله الرحمن الرحيم كدا عايزة تاخد من اول جزيرة جرين لاند اللي في القطب الشمالي لحد بنما تحت
إشمعني يا عم الحج…. انت ليه محسسنا انك عايز تاخد حتة من طرف الصينية علشان مقرمشة قالك جرين لاند دي فيها خيرات ربنا من بترول وغاز وليلة كبيرة سعادتك
وعايزين بنما علشان نسيطر على خطوط الملاحة والطرق التجارية …
هتقولي الله …. طب ومجلس الامن فين ….!!
والامم المتحدة فين …!!
هقولك أعتقد والله اعلم العالم الجديد بيتشكل بس من غير حرب عالمية…. دا لحد دلوقتي يعني ويقال ان في إتفاق ضمني بين بوتين وترامب والصين بشكل غير مباشر
أعتقد ان ترامب قالهم بلا حرب بلا وجع دماغ وروسيا تاخد اوكرانيا
والصين تاخد تايوان
وامريكا تاخد جرين لاند وكندا وبنما
الخناقة بينهم بس على اللي هياخد هياخد لحد فين…. وطبعا كله طمعان
طب وأوروبا تعيش انت يا حج…!!
قالك لو ممعهومش تمويل حلف النيتو نحله
طب والشرق الاوسط يا عم الحج ترامب…!!
قالك ف الشرق الاوسط …. البقاء للأقوى
شوفوا إنتوا بقا مين الاقوى في المنطقة
فاكرين السيسي سنة ٢٠١٦ لما قال… معندناش رفاهية الوقت !! فاكر فاكر فاكر …… خليك فاكر
اهو علشان خاطر اللحظة اللي بيعيشها الكوكب دلوقتي حضرتك هتقولي معقول …. مصر والسيسي كانوا عارفين اللي بيتخطط للكوكب بعد عشر سنين ؟؟
هقولك الدولة المصرية العميقة عارفة اللي بيتخطط للكوكب لحد سنة ٢٠٥٠ والله
وجاهزين لكل السيناريوهات كمان …!!
حتى سد النهضة…. معمول حساب كل تفصيلة ليه مفيش حاجة بتحصل في الكوكب صدفة حضرتك
