مصر وكل السيناريوهات
ف خلال العشر سنين اللي مصر كانت بتقول انها بتتفاوض فيها مع إثيوبيا واحنا لا كنا بنتفاوض ولا نيلة احنا كنا بنكسب وقت بس
هتقوليلي بنكسب وقت ليه …!!!
هقولك علشان كنا بنعمل مشاريع مائية هي الاضخم فالعالم اول حاجة وسعنا بحيرة ناصر اللي هي بحيرة السد العالي وبقت تستوعب ١٦٤ مليار متر مية يعني قد مية السد اللي ف إثيوبيا مرتين
كمان عملنا تطوير وصيانة للسد العالي وجسم السد العالي هتقوليلي إزاي !!
هقولك الدولة المصرية رفعت كفائة جسم السد العالي وبقا يقدر يستوعب ضعف كمية المية اللي كان بيستوعبها قبل كدا
كأنك بنيتي سد عالي تاني
كل ده تم ومحدش يعرف في السر يعني….. علشان أهل الشر
دا غير تبطين الترع…. علشان تستوعب ضعف المية اللي كانت بتستوعبها
دا غير مفيض توشكي اللي برضوا تم رفع كفاءتةً دا مش كدا وبس….!!!
تم توسيع المجرى المائي في توشكى ومده لاكتر من ٢٠٠ كيلو…. يعني نهر تاني جمب نهر النيل طب عارفين النهر الصناعي اللي إتعمل و اللي بيتقال معمول علشان معالجة مياه الصرف الزراعي وهيروي مليون فدان جديدة
اهو النهر الصناعي ده معمول علشان يستوعب المية اللي جاية زيادة
اصلا اصلا مصر معتبرة المية اللي في السد في اثيوبيا مخزون إستراتيجي لينا
وقت ما هنحتاجة هنروح نجيبه … دا لو موقعش يعني
السودان…
النهاردة الجيش السوداني بيعمل عظمة ودخل ولاية الجزيرة وسيطر عليها
أهي ولاية الجزيرة دي أعتقد انها اهم ولاية في السودان بعد دارفور
اه نسيت افكركم ان ولاية الجزيرة دي اللي إتسلمت بالخيانة لقوات الدعم السريع من سنتين النهاردة بقا الجيش السوداني عامل حفلة هناك وبينضفها من الاوساخ
كمان ع الناحية التانية
ليبيا
الدنيا مقلوبة في الغرب الليبي والشعب هناك بيطالب بالجيش الليبي بقيادة حفتر المدعوم من مصر بالسيطرة على غرب ليبيا وطرد الإخوان من هناك….
ايوا وبقولها بالفم المليان الجيش المصري بيدعم الجيش السوداني في السودان وبيدعم الجيش الليبي في ليبيا
مش بقولكم…. سنة ٢٠٢٥ هي سنة البقاء للأقوى
ومصر هتقفل فيها كل ملفاتها الخارجية
وهقول ماهو اكتر المقالة الجاية
