الإعلامية القديرة أمانى أبوالسعود تكتب:فستان مى فاروق الأبيض

كم التعليقات السلبية على جواز مي فاروق بيقول اننا مجتمع مختل بعيد كل البعد عن تعاليم الدين الا مارحم ربي
هي عملت ايه غلط ؟
الست اتجوزت في العلن مخربتش بيت حد ظروفهم الاجتماعية واحدة ولادها موافقين لبست ابيض لبست أخضر هي حرة هو الفستان الأبيض نازل في القرآن يتلبس امتى أو هو حرام مثلا
الست ولادها معاها مرمتهمش وراحت اتجوزت ولا عملت حاجة غلط ايه كمية الغل والارف اللي في تعليقات الناس دي كل واحد وواحدة يحط بنته مكانها ويشوف الكلام ح يوجعه ولا لأ اتقوا الله وفي المقابل لو كان راجل واتجوز وهو عنده 70 ولا حتى 80 سنة ح يتقاله ايوة بقى وعم الشباب والموضوع عادي أو واحد مراته ماتت في العزا بيقولوا ياحبيبي ح تعيش ازاي لوحدك إنما الست لأ مفروض نموتها مش من حقها تعيش بنقول في الهند متخلفين وبيدفنوا الست مع جوزها واحنا بندفنها بردو زيهم
للاسف التفكك اللي المجتمع وصله والنماذج والأفكار الغريبة سببها الجهل بصحيح الدين والضغط بغباء وجهل على الست وبالتالي أما حاولت تخرج من سيطرة المجتمع البعيد كل البعد عن صحيح الدين شوفنا نماذج مؤرفة من ستات معرفتش حدود حريتها فين وافكار المجتمع المتخلفة هي السبب
من حسن اسلام المرء تركه مالايعنيه
وأما بقول اسلام لان ده ديني اللي عارفة تعاليمه لكن الأكيد ان كل الأديان بترفض السلوك ده والتدخل في حياة الناس والحكم عليهم بالصورة الفجة دي