الاجتماع اللى عقده الرئيس عبد الفتاح السيسي النهارده مع كبار المسؤولين فى الدولة بيأكد توجه الرئيس الجاد نحو تهيئة مناخ استثماري أكثر جذباً وفعالية، من خلال تبني حزمة من الإصلاحات الهيكلية التي تستهدف تبسيط الإجراءات وتخفيف الأعباء المالية عن المستثمرين. وظهر ده من خلال التوجيه الرئاسي باستبدال الرسوم المتعددة بضريبة موحدة على صافي الربح، علشان يتم تحقيق الشفافية وتقليل التكاليف غير المباشرة، إلى جانب تقليص زمن الإفراج الجمركي وتسهيل إجراءات السداد، وهي خطوات عملية تعزز من كفاءة بيئة الأعمال. وظهر الاهتمام الواضح بتشجيع التصدير ودعم الصناعة الوطنية عبر برنامج جديد لرد أعباء الصادرات، بالتوازي مع تفعيل دور صندوق مصر السيادي لتعظيم الاستفادة من أصول الدولةويعكس رغبة في نتائج واقعية .
دول كتير عملت ده ونجحت زى سنغافورة اللى بتعتبر من أنجح الدول في تبسيط الإجراءات الجمركية، عندهم نظام إلكتروني موحد اسمه “TradeNet”، بيخلّي كل المعاملات الجمركية تتم في مكان واحد وبسرعة كبيرة. بفضل النظام ده، وقت الإفراج الجمركي بيتم فى اقل وقت ، وده ساعد في جعل سنغافورة مركز تجاري عالمي.
وكمان رواندا رغم إنها دولة أفريقية صغيرة، إلا إنها قدرت تبهر العالم بإصلاحات مناخ الاستثمار، وواحدة من أهم الخطوات كانت تأسيس جهة واحدة موحدة للمستثمرين (One Stop Center)، بتجمع كل التراخيص والإجراءات في مكان واحد.
ومع كل التجارب دى احنا قادرين نصنع تجربة مصرية خالصه تحقق اهدافنا.
