الإعلامي الكبير د. خالد فتح الله ينصح نفسه وينصحكم فى يوم مولده

انصحني في يوم مولدي وانصحكم جميعا بهذه الخلاصات المنقولة عن صديق
طول ما انت عايش هتفضل تتعلم “
هتتعلم إن مش كل حاجة حلوة لازم تدوم…
هتتعلم إن في ناس هتكون مراحل في حياتك هتيجي لغرض يعلمه الله وهتمشي ..
هتتعلم مين إللي تبكي على كتفه وهتتعلم إن ساعات لازم تمسح دموعك بإيدك انت وبس..
هتتعلم تحب وهتتعلم تفارق وتفقد جزء من روحك وتكمل.. هتتعلم من الناس إللي جرحتك وخذلتك..
وهتتعلم من إللي إنت جرحتهم.. وهتشوف الدنيا وهي بتدور وتعلمك إن الشيء الوحيد الأكيد إن مفيش حال بيدوم..
هتتعلم يعني إيه ثقة ويعني إيه جدعنه وأصول..
والدروس دي هتتعلمها من الخاين والندل وقليل الأصل قبل الصاحب الجدع ابن الأصول..
هتتعلم إنك تعيش بشوية تشوهات جوا نفسك بس عادي ،مش عادي !! كله خير..
هتتعلم إنك لسه قدامك كتير ولازم تفضل تربي نفسك..وكل ما تتعلم ، هتدرك إنك أمام علم الله قليل جدًا..
هتتعلم إن في ناس في حياتك مينفعش تسيبها.. لازم تتبت فيهم بإيدك وسنانك علشان الناس دي مبتتعوضش..
وهتتعلم إنك ساعات لازم تفتح الطريق للي عايز يمشي..وإنت قلبك راضي وماشي في سكتك..
ومن أكبر الحاجات الي لازم تتعلمها إنك تسامح نفسك وتسامح إللي حواليك..
وتتعلم إن أكبر كنز لك هي أعمالك الخالصة لله..وإن كان اتكتب عليك تعافر..ف ربنا يكتب لك إنك تعافر في السكة الصح ومع الناس الصح.. وعلشان الهدف الصح !!
🌹 🌹