الفنان مجدى عيد يسخر معكم من الواقع: التيك توك كباريه اونلاين

اللي اسمه الداعم اللي على التيكتوك ده هو بالظبط اللي بينقط او بيرمي كيت في الكباريه بالظبط،
اولا فلوسه بتكون جايه سهله ومن طريق شمال،
ثانيا بيضحكوا عليه بلقب وهمي
ذي افندينا
او
الهرم الرابع
او البرنس
او عمهم او
اي لقب يلبس بيه،
ثانيا بيوصلوا له في الكباريه انه هو الاهم وان دمه خفيف وانه باشا وكلامه حكم وفيلسفوف رغم انه كلام مكرر ورضا البحراوي بيقوله ومكتوب على النقل والتكاتيك .
وهو لابس الوهم ده،
الداعم بيرمي فلوس في اللايف على بت حلوه ومعريه نفسها او واد دمه خفيف عنده حريم كتير،،
وفي الكاباريه بيرمي على رقاصه او مغنيه او مطرب بيقول اسمه باللقب طبعا عشرين مره في الغنوه،
وكل مايرمي اكتر النظر بيبقى عليه اكتر ،
الداعم ممكن يختار حد غلبان يدعمه في النص كده قال يعني قلبه طيب وبتاع خير ،
برده في الكباريه بيراضي بتاع الورد واللي داخله تبيع تسالي والسايس طبعا عشان الهوليله اللي بيعملهاله في الاستقبال وهو بيركن ويتفشخ،
من الاخر،
التيك توك كباريه اون لاين وديليفري،
وارحب يا هرم يا رابع.