حكاوي لها العجب بتاع سياسة كتب لكم: تفتكروا ليه محمود العربي نجح وكسر الدنيا رغم أمانته

بيحكي محمود العربي في مذكراته “سر حياتي”، بدأ مشواره وهو عنده 5 سنين لما طلب من أخوه يشترى له بلالين بـ30 قرش لما يسافر القاهرة وفعلا أخوه رجع واديله البلالين فمحمود قعد على المصطب يبيع لأصحابه في العيد وكسب 10 قروش.

ولما كبر العربي راح اشتغل في القاهرة عند محل عم رزق واللي كان ببيتعامل بشكل صعب مع الزباين لكن محمود كان بيتعامل حلو وبذكاء فكسب الناس.

لكن في يوم محمود العربي لقى الزباين كتير فطبق نظرية رزق اكسب قليل تبيع كتير وفعلا طبق وقعد يبيع كتير ومقفلش المحل، تاني يوم لقى رزق بيقولوا مقفلتش ليه فقاله العربي كنت ببيع وكسبت 40 جنيه وكان مبلغ كبير وقتها وكان متوقع مكافاة كتير لكن لقى رزق بيقوله: برافو شاطر يا محمود ولا اديله جنيه.

هنا قرر العربي يسيب الشغل ويبدأ مشواره أنه يبقى له تجـ.ــارته الخاصة، وبدأ مشروع خاص به فراح جاب اتنين من الصعيد وفتحوا محل وجاب بضاعة بالأجل ومر بصعوبات لكن في الأخر نجح.

لغاية ما جه شاب ياباني أسمه أندو كان جاي بيتعلم في مصر، وكان ماشي في الموسكي بيتفرج على المحلات ولقى الناس بتغني العربي في الموسكي والموسكي في العربي وده إعلان كان عامله العربي لما تجارته وسعت في التليفزيون ومن نجاح الإعلان الناس كانت بتغنيه، فأندو ده حب يروح يشوف مين العربي ده.

وفعلا قابل اندو العربي اللي عرف قصة نجاحه، فقاله: أنا مندوب توشيبا وهرشحك لهم وفعلا بقى يبعتوا له مراوح كتير والعربي يبيعهم.

لغاية ما طلب العربي يبقى وكيلهم، واتوسط أندو له، وفي يوم كان العربي قاعد على طرابيزة متواضعة ولا فيه سكرتيرة ولا حتى مكتب، وفجأة دخل عليه جماعة يابانيين من توشيبا عشان يشوفوا بيدير التوكيل ازاي، استغربوا واتفاجئوا من شكل المحل فقرروا يسحبوا التوكيل، وكانت هتبقى ضربة تقيلة للعربي، اللي

كلم أندو عشان يقنعهم وفعلا منحوه مهلة وطلبوا يبيع أكتر، ونجح العربي في مهمته.

لدرجة أنه دعوه لزيارة ليابان بعد ما بقى وكيل وشاف مصانع توشيبا وانبهر بهم وقالهم: انا عايز أعمل مصنع في مصر، لكن توشيبا قالت له: أخرك تجمع، فلعب العربي لعبة عليهم بعت أخواته لشـ.ــركات منـ.ــافسة وطرح عليهم الفكرة فوافقوا، فرجع العربي لتوشيبا وقالهم: لو رفضتوا هفتح مصانع للمنافسين، فاضطروا يوافقوا وفعلا فتح أكبر مصنع في بنها لتوشيبا.

وذكاء العربي طمن الزبون أن منتجات توشيبا مش هتتأثر لما تتصنع في مصر فراح عمل مدة ضمان أكبر بدل سنتين لـ 5 سنين، وبقي يبيع مراوح أكتر.

رغم أنه مر عليه أزمات كتير منها حـ.ــريق مصـ.ــنعه، ومنها أزمـ.ــات مالية لكن فضل العربي واقفعلى رجله، ده عشان ذكائه وعشان أنه كان مهتم بالعمال وبيراعي ربنا لا يقطع عيش حد ولا يأكل حقوقهم، وعشان كده في مشهد رحـ.ــيله كان مشهد تاريخي تخليه مثل أعلى لأي تاجر حابب ينجح.

لو عاجبك البوست أعمل لايك واشير عشان توصلك البوستات والفيديوهات الجديدة، وتابع حلقات البرنامج في الصفحة هتلاقي مفاجأت.

وقولي رأيك: ليه محمود العربي نجح؟