د. سامى دنيا يقرأ لكم:الوعى يامصريين .. لبنان

لبنان….
فاكرين من سنة ٢٠٢٠ واللي متابعني ومتابع اخباري من ساعتها وانا بقولكم مشكلة لبنان هتتحل ف اللحظة اللي هيطلع فيها راجل وطني من الجيش اللبناني ويضرب كل الفصائل والاحزاب بأوسخ جزمة ويقول تحيا لبنان…!!
الحمد لله جت اللحظة دي …
وإمبارح البرلمان اللبناني إختار جوزيف عون قائد الجيش اللبناني رئيسا للبلاد..
طب عمل إيه جوزيف عون !!!
جوزيف عون إمبارح و في اول لحظة ليه في البرلمان اللبناني وفي سابقة تاريخية لم تحدث في تاريخ لبنان وهو بينطق القسم قال….
اقسم بالله العظيم ان احافظ مخلصا على لبنان وحدود دولة لبنان وشعب لبنان…
هتقولي وإيه السابقة التاريخية في كدا …؟؟
مهو المفروض اي رئيس محترم يقول كدا !!!
هقولك لا يافندم القسم اللي كان بيتقال قبل كدا ان احافظ مخلصا على لبنان واحزاب لبنان والمقاومة اللبنانية فرق كبير بين القسم الاول اللي الرئيس بيقسم فيه انه يحافظ على حزب الله وبين القسم التاني اللي يحافظ فيه الرئيس على حدود وشعب دولة لبنان
جوزيف عون يسكت على كدا …. ابدا !!
وكمل خطابه في البرلمان وقال…
إن الجيش اللبناني لن يسمح بأي حزب او جهة او أشخاص بحمل السلاح وإن الجيش اللبناني هو المسؤل عن الحفاظ على الحدود اللبنانية ضد اي تهديد خارجي
وقال كمان…. لبنان دولة عربية وهعمل على عودة العلاقات مع الدول العربية
بالبلدي كدا بيقولهم انا هقطع ذراع إيران في لبنان وهنهي وجود حزب الله
اعتقد إن دي اول خطوة على الطريق الصحيح لإستعادة الدولة اللبنانية وشعب لبنان
مش كدا وبس….لو عايز تعرف اللي حصل في لبنان دا كويس ولا وحش ف حضرتك هتلاقي ان الرئيس عبدالفتاح السيسي هو اول رئيس يتصل ب جوزيف عون وبيهنيه وبيباركله على رئاسة لبنان خد بالك ان لحد هذة اللحظة …
الدولة المصرية على المستوى الرسمي ولا حتى الرئيس السيسي إتصل باحمد الشرع في سوريا علشان يقوله مبروك ولا حتى بعتله رسالة واتس يقوله فيها ربنا يوفقك ولا حتى ميسد كول ياجدع.