هو انا اللي لسه عندي شويه دم واحساس وفي كتير مننا لسه كده والي بيحصل ده واجعهم قوي ولا انا الي اوفر و مزوداها شويه والحاجات دي عادي ومحدش بيتأثر بيها و بتعدي عادي مع اي حد فيديو لرجل بيعجن بنت في الشارع ومحدش تدخل فعليا يحوش عنها ..
فيديو لست واخده ولادها لمقابر عشان تدعي علي جوزها الي لسه حي فيديو لمطلقه بتكسر لعب ابنها مع وصله ردح لطليقها وأهله الي مبهدلينها.
فيديو لموظفه مكتب الصحه بالهرم مبهدله الناس وبتشتمهم وبتقولهم يلا يا زباله منك له اخرجوا من هنا فيديو لست مش تمام عملت فخ لمدير مدرسه والاخر نشرت الفيديو فضحته وواحد معندوش ضمير تاني جاب صوره ست تانيه وكنايه فيها حط صورتها بدل المبلغه.
وبقينا ازاي كده مين خرب البيوت المصريه
مين زرع الفتنه بين الست والراجل
مين نزع الموده والرحمه من قلوب الأزواج.
مين عاوز يطلع جيل مشوه نفسيا ومعقد ومدمر وبدون هويه وكارهه امه وابوه ونفسه وبيته ومدرسته وجامعته وبلده.
مين بيفكك مصر.
مين عاوز يدمر مصر ويخلي اهلها مسخ مين.
