خالد سالم يقرأ لكم: النهاردة حصل حاجتين من السفارة البريطانية في مصر

الأولى: إعادة فتح المبنى الرئيسي اللي أعلنوا عن غلقه مؤقتا بعد رفع الحواجز..

التانية: تعليق بيتكلم عن الدور المحوري اللي بتلعبه مصر في توصيل المساعدات لغزة، بمناسبة كلمة وزير الخارجية البريطاني أمام البرلمان بخصوص المجاعة في القطاع..

الحاجتين اتنشروا على صفحة السفارة، لكن الجزء الخاص بالإشادة بمصر اتنشر باللغة العربية، يعني موجه للجمهور المصري مش للبريطانيين المقيمين في مصر..

ده يا عزيزي لما تحلله، هتلاقيه بيقول لك إن في رصد واضح لغضب المصريين من اللي حصل عند سفارتنا في لندن، اتأكد بالاحتفاء برفع الحواجز من قدام السفارة البريطانية، وبالتالي السفارة كانت حريصة تخاطب الرأي العام المصري بحاجة تهمه وترضيه، فاختاروا ايه؟ اختاروا الإشادة بالجهود المصرية في غزة، وده معناه بردو إنهم راصدين اقتناع المصريين تماما بالدور اللي بتلعبه دولتهم دعما للقطاع..

فتخيل إن بريطانيا نفسها مش مصدقة الكام عيل اللي بيطلعوا من قنوات المطاريد على أرضها!

شكرا لكل مصري ومصرية جدعان وقفوا بمنتهى الصلابة دفاعا عن بلدهم..