نقرأ لكم حديث السوشيال ميديا:
في الدقيقه 76 من مباراة مانشيستر سيتي و ليفربول حصل تغييرين للفريقين ، ارني سلوت خرج محمد صلاح و نزل كييزا ، بيب جوارديولا خرج هالاند و نزل مرموش ، اللي هو لو متفقين مش هتبقي كدة !
مشهد خروج صلاح و نزول مرموش في نفس اللحظه بيجسد واقع داخلين عليه ، صلاح خلاص هيمشي من ليفربول السنة دي و هيمشي من انجلترا كلها بعد 9 مواسم متتاليه ساهم فيهم ب 21 هدف في 25 مباراة امام مانشيستر سيتي !
في المقابل مرموش بيلعب تاني موسم لي مع مانشيستر سيتي و بيمثل الامل في اللقطه دي ، اه ارث محمد صلاح سقفه مرعب ، لكن كلنا امل ان مرموش يشيل الرايه من بعده و يعمل مسيره اسطوريه مصريه تانيه في انجلترا !
نهايه اعظم حقبه في تاريخ مصر و افريقيا ، و بدايه حقبه جديده ، و الفخر لينا ان صلاح و مرموش مصريين الجنسيه
