الخاين يتساب ولا نديله فرصة يمكن يتغير!
في مثل شعبي بيقول من أمنك لا تخونه و لو كنت خاين و أنا بأشوفه ان ده مفروض يكون مبدأ ثابت في الحياة
من فتره كان في سيدة فاضلة منزله بوست علي جروب نسائى بتقول ان جوزها خانها رغم انها بتحبه و متاكدة ان هو كمان بيحبها و جت التعليقات كلها سامحي و تجاوزى و عيشي و متسيبهوش لواحدة تانية ؟؟؟ غلطة و اتعلم منها و مش هيكررها ومبررات كتير
السؤال هنا
ليه متسيبوش؟؟
ليه تسامحه ؟؟؟
ليه تتجاوز ؟؟؟
ما دامت مش مضطره ل ده ؟؟ مين قالكم انه اتعلم حاجة و مش هيكرر ؟؟
الخاين لازم تسيبيه و تشيليه من حياتك
معندكيش اختيارات
الخاين هيفضل يخون لغايه ما يموت
الإنسان مش بيتجزأ
الخاين هتلاقيه بيخون حتي صحابه و اهله وولاده
بيخون حتي نفسه!
الخاين مش بيتغير مهما عملتي او عاقبتي
بالعكس ده بيحب الخيانة جدا و بيستمتع بكونه شخص خاين
احنا مش هنغير بعض يا جماعة لازم نفهم كده
الخلاصة
الخاين بيتساب مبنعملش بيه حاجة و لا بنديله فرص!
