للدرجة دي مفيش فرصة لرجوعك لصوابك؟!
البيه تقريبا نسي نفسه
وطالع في لقاء تلفزيوني
وبيقولك مصر أغلي حاجة عندي
و أسعد لحظات حياتي وقت ما بسمع النشيد الوطني
دا كان ناقص كمان يقول تحيا مصر
ياااه؟ للدرجة دي
يعني لا قلت ان مثلك الاعلي ابو تريكة
ولا قلت ان البلد قهرتك لحد ما قررت تسافر برا
ولا جيبت سيرة غزة
ولا معاك جراب موبايل مرسوم عليه علم فلسطين
ولا معاك حظاظه في ايدك مرسوم عليها السنوار
ولا قلت انك هاتخلف عيل تالت وتسميه هنيه
ولا قلت ان بريطانيا بتستثمر في البشر ومصر بتستثمر في الحجر
دا انت بتستعبببببط
دا انت شاري بلدك بقي
دا انت مش خايف من الجماعة ولجانها
طب تمام يا حلو قابل بقي
و احلي بهدلة علي السوشيال ميديا
وخد الكبيرة بقي
معلومة متسربة ان الضربة القاضية ليك هتكون في الاستوديو التحليل الجاي وابو تريكة بيلقح عليك وبيقول مش قادر ارفع راسي من كتر العار وفي لاعب واخد جايزة الحذاء الذهبي .. ومع ذلك ورغم ان جرام الدهب معدي الخمس الاف جنيه.. ماهانش عليه ياخد الحذاء يسيحه في الصاغه وبفلوسه يبعت مساعدات لإخوانه في غزة
مجنون انت يا معلم!
