حكاية تحية كاريوكا مع عماد حمدى فى ام العروسة
فى حوار مع الفنانه الجميله تحيه كاريوكا قالت
اتعرض عليا سيناريو فيلم ام العروسه و لما قراءت القصه عجبتنى و كانت واقعيه و جميله فى الوقت دا
سالت عاطف سالم مين البطل
قال أنا شايف مينفعش غير عماد حمدى لكن هو رافض
قلت له متقلقش انا هاقنعه
اتصلت يومها بعماد حمدى : ايه يا عماد عاطف بيقول انك رافض الفيلم لكن أنا شايفه الدور جميل اوى عليك
رد عماد : لا لا يا تحيه ازاى انا ابقى فتى الشاشه الاول و كل البنات و النساء شايفين انى چان السينما و اطلع فى دور اب و كبير فالسن
و كان دا اول دور يطلع فيه اب بدل دور الحبيب
قلت له : يا عماد انت مش هتفضل صغير طول العمر و دى فرصه كبيره انك تطلع دور اب قبل ما تكبر بجد و يروح عليك فرصة الفتى الاول و تقل نجوميتك انت احسن اقبل دا الآن علشان حتى قدام يبقي عادى انك تاخد الدور دا و تقدر ترجع تمثل دور البطل مره تانيه لانك مازلت نجم شباك
و قعدنا نتكلم ساعه و بعدها وافق
و اتصلت بعاطف و قلت له عماد وافق و احنا فى انتظار التصوير فرح جدا و بالفعل صورنا بعدها
و كان وجود عماد حمدى معايا فى الفيلم له دور كبير فى نجاح الفيلم لدرجة أن الناس افتكرت أننا فعلا زوجين فى الحقيقه و إن مشاعرنا و تمثيلها كان واقعى جدا و الحمد لله الفيلم نجح إلى الآن
(جزء من حوار مع الفنانة الراحلة تحيه كاريوكا)
