تحدث الفنان هاني رمزي، عن وصية والدته التي أوصت بها أسرتها قبل أن ترحل عن عالمنا، موضحاً أنها تبرعت بكل ما تملكه من ذهب وما كان ترتديه في يدها لم يكن ملكها بل كانت أوصت بأن يذهب للفقراء والمحتاجين بعد وفاتها.
وتابع هاني رمزي، حديثه خلال مداخلة تلفزيونية في برنامج تفاصيل مع الإعلامية نهال طايل عبر فضائية صدى البلد 2، قائلاً: «أمي طول عمرها اللي في ايدها مش ملكها خالص ومكانتش بتشتري لنفسها حاجة، ولما كنا بنشتريلها حاجة كانت تقول ليه كده؟.. أنا مش محتاجة خالص في ناس تانية أولى، هي كانت عايشة كده وعمرها ما كانت بتفكر في نفسها خالص.. وفجأة سألنها فين دهبك يا ماما تقول اتزنقت في فلوس وبعتهم».
وأشار هاني رمزي، إلى أنه اكتشف بعد فترة أن والدته باعت ذهبها لكي توزعهم على المحتاجين، ودائماً ما كانت تنفق أموالهم على الغير ونادراً ما كانت تشتري لنفسها شيئاً، مردفاً أن والدته كانت سيدة كريمة وسخية وتقف بجوار أصدقاؤها حتى الأشخاص الذين لم تعرفهم فمبجرد أن تسمع أنهم في ضائقة كانت تساعدهم وتدعمهم.
وأختتم الفنان هاني رمزي، حديثه بقول: «أنا محظوظ لأن ربنا أكرمني بأم عظيمة وهي دلوقتي أكيد بتدعيلي ومش هتسبني وهي في مكان أحسن وده اللي مصبرني ومعزيني.. وهي عملت حاجات كتير حلوة في حياتنا وحياة أي شخص والناس كلها بتقول ده وتتكلم عن الخير اللي هي عملته لأنها ست كريمة وعمرها ما زعلت حد منها أو عملت تصرف يضايق حد».
