كل واحد فينا عنده نوع إبتلاء مختلف !!
فيه المبتلي بمرض، فيه المبتلي بظروف صعبه، فيه المبتلي بطلاق، فيه المبتلى بوفاة شخص قريب منه فيه المبتلي بعدم الزواج، فيه المبتلي بزواج كله مشاكل ،فيه المبتلي بعدم الخلفة، فيه المبتلي فى أبنائه
فيه ابتلاءات كتيييير فى كل بيت.
وإن العبد ليتعلم في ساعات الإبتلاء ما لم يتعلمه في سنوات العافية
ورا كل إبتلاء بتقع فيه دروس كتير بنتعلمها ولولا الشدة دي مكناش اتعلمنها وقوينا واتغير مفهومنا.. وأهم حاجة وقت الابتلاء هو الصبر
الصبر حباً لله الصبر على العوض والخير اللي هيجيلك من بعده !!
وقت الابتلاء ادعي ربنا إنه يصبر قلبك ويربط عليه
ما تتكلمش كتير عن اللي فقدته وركز في عوض الله
ركز في كل الدروس اللي هتشوفها من المحنة واتعلم منها ماتخليهاش تعدي عليك كدة !!
دايماً الصبر الجميل ربنا بيتبعه بالعوض الجميل.. وعلى قدر صبرك ربنا بيرزقك ويفهمك وينور بصيرتك !!
الابتلاء له فترة زمنية محددة وسيغادر ، أهم شيء يغادر وأنت بكامل إيمانك !!
وأنت بتتعامل مع أي شخص أعرف إنه فيه اللي مكفيه زي ما أنت فيك اللي مكفيك !!
سيدنا الخضر كان بينقذهم و الغريب إن أهل السفينة عاشوا وماتوا ميعرفوش إن سيدنا الخضر لما خرق السفينه كان بينقذهم من ملك ظالم ويمكن أهل الغلام فضلوا يدعوا طول عمرهم علي إللي قتل أبنهم !!
حكايه سيدنا الخضر مع سيدنا موسي مش بس بتقول
إن في حكمه ألهيه في كل إبتلاء لا كمان بتقول مش لازم
أهل الإبتلاء يعرفوا الحكمه منه وده الأختبار الأصعب ..
مش لازم ربنا يقولك أنا عملت كدا ليه ؟
مش لازم تعرف الروايه التانيه للحكايه عشان كدا
الصبر مش مجرد صفه محموده ..
الصبر بينهي أي شعور عند صاحب الإبتلاء بيرفض التسليم بأمور ميعرفش الهدف منها .. الصبر معجزه “بشر الصابرين “
“يارب فرج عنا كل هم و غم وإبتلاء “
