أنا عقلي مش بيقدر يستوعب الاذى…
مش بيقدر يستوعب الاذية
مش بيقدر يستوعب كسر الخاطر..
مش بيقدر يفهم ليه شخص يوجع حد كويس معاه؟
ليه ممكن شخص يكسر خاطر شخص لما ممكن يجبر بخاطره؟
ليه حد يقابل الحلو بقلة تقدير؟
ليه اما ممكن اعمل حاجة كويسة ما اعملهاش ؟
ليه اما ممكن اسعد حد اختار العكس؟
ليه اما ممكن أساعد حد ما اساعدوش ؟
ليه ممكن اقولك كلمة حلوة واكتمها ؟
ليه بدل ما اقابل الحب بالحب
اقابله بجفا؟
ليه؟
وبالتالي ليه الحر..وب لما ممكن نعيش في سلام؟
ناس ممكن تقول علي ساذجة بعد البوست دا..
مش مهم..
أنا فعلا عقلي متبرمج علي ان الخير يقابله خير
وجزاء الإحسان إحسان..
والحب يقابله حب والعطاء يقابله عطاء ..
وما بيحصلش طبعا معظم الوقت..
عقلي فاهم..وبيبقي قاري الناس.. بس رافض يصدق..
متخيل برفضه دا ان الناس حتتغير…
والخير حيعم…
وما بيحصلش..
وبرضو مصرّ يفضل علي قناعاته..
مش قلة نضج خالص.. ولا سذاجة او قلة خبرة في البشر..
هو قناعة جوايا ان داخل كل حد فينا خير وشر
وهو بإيده يختار يطلع اي واحد منهم..
الي هو جهاد النفس
الي معظم الناس للاسف بتسقط في امتحانه..
وبينسوا ان ربنا مضطلع علي النفوس…
